text | ibt.org.ru

Javascript выключен: Некоторые функции будут отключены. Нажмите здесь, чтобы обновить текст или расположение

¹ Өз дегенин бербеген адам өз каалаганын кылгысы келет, бардык туура нерсеге каршы чыгат.

² Акылсыз адам билимди сүйбөйт, бирок ал өзүнүкүн гана айткысы келет.

³ Мыйзамсыздын келиши менен жек көрүү кошо келет, ал эми кордук менен кошо шылдың келет.

⁴ Адамдын оозунан чыккан сөз – терең суу. Акылмандыктын башаты – кайнар булак.

⁵ Адил адамды сотто айыпка жыгыш үчүн, мыйзамсыз адамга бет карамалык кылган жакшы эмес.

⁶ Акылсыздын тили чатак чыгарат, айткан сөзү үчүн таяк жейт.

⁷ Акылсыздын тили – өзүнө өлүм, оозу – жаны үчүн жайылган тор.

⁸ Ушакчынын сөздөрү таттуу нерсе сыяктуу, алар адамдын карынына кирип кетет.

⁹ Өз ишине кош көңүл болгон адам – ысырапчыл адамдын тууганы.

¹⁰ Теңирдин ысымы – бекем мунара: адил адам ага качып кирип, коопсуз болот.

¹¹ Байдын мал-мүлкү – анын бекем шаары, ал ага бийик чеп болуп сезилет.

¹² Жыгылардын алдында адамдын жүрөгү текеберденет, ал эми моюн сунгандык атак-даңкка жеткирет.

¹³ Аягына чейин укпай туруп жооп берген адам акылсыз, ал уятка калат.

¹⁴ Адамдын руху адамдын алсыздыгын көтөрөт, ал эми жараланган рухту ким сакайта алат?

¹⁵ Акылдуу адамдын жүрөгү билимге жетет, акылдуу адамдардын кулагы билимди издейт.

¹⁶ Берилген белек адамдын жолун ачып, аны төрөлөргө чейин жеткирет.

¹⁷ Атаандашы келип, изилдегиче, биринчи келгендин кеби жүйөөлүүдөй туюлат.

¹⁸ Өкчөмө таш талаш-тартышты токтотуп, күчтүүлөрдүн ортосундагы талаш-тартышты чечет.

¹⁹ Каарданган бир тууган кире алгыс чептүү шаардан да бекем. Чыр-чатак сепилдин кулпуларына окшош.

²⁰ Адамдын ичи өз тилинин жемишине толот, ал өз оозунун чыгармасына тоёт.

²¹ Өлүм менен өмүр тилдин бийлигинде, аны сүйгөндөр анын жемишинен татышат.

²² Жакшы аял тапканы – ырыс тапканы, Теңирден ырайым көргөнү.

²³ Жакыр жалбарып сүйлөйт, бай орой жооп берет.

²⁴ Дос күткүсү келген адам досторчо мамиле кылышы керек. Бир тууганыңдан да жакын дос болот. ²⁵

Языки