Acts.17.15-Acts.17.16
Phil.2.19; 2Cor.1.1; Col.1.1; Phlm.1.1; Heb.13.23
Acts.9.16; Acts.14.22
1Thess.2.14
1Thess.3.1-1Thess.3.2; 1Thess.3.1-1Thess.3.2; 1Cor.7.5; 2Cor.11.3; Matt.4.3; Phil.2.16
Acts.18.5; 2Cor.7.6; 2Cor.7.9; 1Thess.1.3; 1Cor.11.2; Phil.1.8
2Cor.1.4
1Cor.16.13
1Thess.1.2
2Tim.1.3; 1Thess.2.17; Rom.1.10; 2Cor.13.9
Gal.1.4; 2Thess.3.5
1Thess.4.1; 1Thess.4.10; Phil.1.9; 2Thess.1.3; 1Thess.4.9; 1Thess.5.15
Jas.5.8; 1Thess.3.11; 1Thess.2.19; Zech.14.5; Jude.1.14
Кырг-ҮН
Кыргыз тилиндеги БИБЛИЯ. Кайра иштелип, экинчи басылышы 2004. Электрондук версия: 2.0


Copyrighted: © 2004 Боорукерликтин өкүлдүгү «ҮМҮТ НУРУ».

Боорукерликтин өкүлдүгү «ҮМҮТ НУРУ»
артка
жабуу
:

Тиметейдин Тесалоникага жиберилиши

1 Ошондуктан биз чыдай албай, Афинде өзүбүз эле калып, бир тууганыбыз Тиметейди жибердик.
2 Ал – Кудайдын кызматчысы, Машайактын Жакшы Кабарын таратуу ишинде биздин кызматташыбыз. Аны силерге ишенимиңерди бекемдеши үчүн, силерди сооротушу үчүн,
3 ушул кыйынчылыктардан улам эч кимиңер олку-солку болбошуңар үчүн жибердик. Анткени бизге азап чегүү белгиленгендиги силерге маалым.
4 Азап чегерибиз тууралуу силерге барганыбызда, алдын ала айткан элек, айтканыбыздай болгонун өзүңөр да билесиңер.
5 Ошондуктан мен чыдай албай, ишенимиңер жөнүндө билип келсин деп, Тиметейди жибердим. Силерди азгыруучу азгырып, эмгегибиз текке кеткен жокпу, билейин дедим.

Тиметейдин кубанычтуу
кабар менен кайтып келиши

6 Тиметей бизге силердин ишенимиңер, сүйүүңөр жөнүндө жакшы кабар менен келди. Силер бизди кубаныч менен эскерериңерди, биз сыяктуу эле силер да бизди көргүңөр келерин айтты.
7 Азыр болсо биз, бир туугандар, азап чегип, муктаж болуп жатканыбызга карабастан, силер жөнүндө, силердин ишенимиңер жөнүндө угуп сооронуп калдык.
8 Анткени силер Теңир жолунда бекем турсаңар эле, биз тирүүбүз.
9 Кудайыбыздын алдында силер үчүн, силер үчүн кубанып жатканыбыз үчүн, Кудайга кандай ыраазычылык билдирсек болот?
10 Жүзүңөрдү көрсөк экен деп, ишенимиңердин жетишпегенин толуктасак экен деп, күнү-түнү чын жүрөктөн сыйынып жатабыз.
11 Кудай Атабыз Өзү жана Теңирибиз Ыйса Машайак биздин жолубузду силерге багыттаса экен.
12 Биздин силерге болгон сүйүүбүз кандай болсо, Теңир силердин бири-бириңерге жана бардык адамдарга болгон сүйүүңөрдү ошондой арттыра берсин.
13 Теңирибиз Ыйса Машайак Өзүнүн бардык ыйыктары менен келгенде, Кудай Атабыздын алдында, ыйыктык жолунда жүрөгүңөр бекем, кемчиликсиз болсун.