SHR:Matt.9.1-Matt.9.8; SHR:Luke.5.17-Luke.5.26
SHR:Matt.4.13; SHR:Mark.1.21
SHR:Mark.6.55
SHR:Matt.8.10; SHR:Mark.10.52; SHR:Luke.7.48
SHR:Mark.14.64; SHR:Ps.31.5; SHR:Isa.43.25
SHR:Matt.9.9-Matt.9.13; SHR:Luke.5.27-Luke.5.32
SHR:Luke.15.2
SHR:Matt.9.14-Matt.9.17; SHR:Matt.12.1-Matt.12.8; SHR:Luke.5.33
SHR:Luke.15.7; SHR:1Tim.1.15
SHR:Matt.11.2; SHR:Luke.11.1; SHR:John.1.35; SHR:Luke.18.12
SHR:Matt.25.1-Matt.25.13; SHR:John.3.29; SHR:Heb.19.7; SHR:Heb.21.2
SHR:Mark.14.7; SHR:Luke.17.22
SHR:Deut.23.25
SHR:Exod.20.8-Exod.20.10; SHR:Num.15.32-Num.15.36
SHR:1Sam.21.1-1Sam.21.6
SHR:1Sam.22.20; SHR:2Sam.8.17; SHR:Exod.25.30; SHR:Lev.24.5-Lev.24.9
SHR:Exod.23.12; SHR:Deut.5.14

МАРК ПАСҚАН АҚ ТИЛААС

Библияны кежирчең институды Москва 2004

Сӧс алы

Қайран қыырчыған кижи!

Мна, сеең қолында Марк пасқан Ақ Тилаас номы. По ном пурунғу темде пас-салған полған, грек тилбе пас-салған. Пас-салғанынаң ала по номны қанче-қанче тиллерге кежиргеннер. Ам тезе пис аны пистиң тадар (шор) тилбе қыырар поларбыс. Ана ол наа-ла тадар тилбиске кежирген номы сеең қолында.
Ноо небе Ақ Тилаас? Пистиң тадар тилбе Ақ Тилаас теп, пурунғу грек тилбе Евангелие теп. Ээде Қудайдың Оғлу Иисус Христос Позының ӱргедийин адады: Ақ Тилаас теп.
Ол Иисус Христос пир темде по чарыққа келген полтыр. Ол келгенинең ала ийги муң чыл эрт-парды. Палестина теп черде туғып келтир. По чарыққа келип, кижилер аразында чӧрӱп, Ол Позының ӱргедийин чарлап чӧрген. Ана ол ӱргедийи по номда. Кижи позының сағыжынма, чӱрегинме Ааң Ақ Тилаазын алынып, қыйалдаң, ӧлӱмнең, қайдығ да қара небелердең арғаланар полар, қоралбас чадыға кирер полар. Иисустың Ақ Тилаазы – кижилерге Ааң ақкелип ысқан андығ арғаланарынаң ӱчӱн Ақ Тилаас полтыр. Ақ Тилаазоқ Иисус Христостың чарлап чӧргенинең ӱчӱн, қайғал эткенинең ӱчӱн, Ааң ӧлгенинең, анаң тирилип турғанынаң ӱчӱн айдылча.
Ноо кижи Марк? Марк теп адалған кижи олоқ темде олоқ Палестинада чатқан полтыр. Ол – Христос чолыба парған кижи полған, мында пасқанының қайзын позы кӧрген полтыр.
Марк пасқан Ақ Тилаас номы Наа Чӧп Пичигинге кирча. Олоқ Пичигинге: Матвей пасқан, Ыйбан пасқан, Лука пасқан Ақ Тилаас номнар кирча; мнаң пашқа: Апостоллар эт чӧргени номы, Апостоллардаң ысқан қаттар номнары, Қудайдың ажылынып айтқаны номы кирчалар.
Наа Чӧп Пичиги Пурунғу Чӧп Пичигинме Қудай Пичиги (Библия) теп, адалча. Ол Қудай Пичиги по чарықта най қыырчаң ном. Ол ном қалықтардың кӧп тиллерге кежирген, ноо да кижи Қудай сӧзин туған тилбе қыырып, сағыжынма Аны алзын теп.
Анаң-аара слер ам Марк пасқан Ақ Тилаасты туған тилбе қыырар полчызар. Алында пистиң тилге Қудай Пичиги кезектеп ле кежирген полған. Аны И.М. Штыгашев 1883 чылда кежирген. Ол темнең ала мна-по пистиң Марк пасқанын кежиргени ле шықча, пашқа кежиргени полбады.
Библияны кежирчең институды Марк пасқан Ақ Тилаасты тадар тилге шығарарға полушқан кижилерге: тилдең тилге кежирчиге, шынықтачыларға паза пашқа да кижилерге улуғ алғыжын четтирча.

Марк пасқан

Ақ Тилаас



Тадар тили
http://ibt.org.ru/bible
Тадар тили: Марк Пасқан Ақ Тилаас, Ыйбан Пасқан Ақ Тилаас Тадар (шор) тили: Марк Пасқан Ақ Тилаас, Ыйбан Пасқан Ақ Тилаас


Copyrighted: Библияны кежирчең институды Москва 2004, 2011

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
назад
закрыть

Қыйбран полбас кижини часқаны

1 Қанче-қанче кӱн пажында Иисус пазоқ Капернаум-тураға парды. Анаара келгенде, табыш шықты: Ол эминде, теп.
2 Анда сыраңай қалық толдра чыылыш-парды. Эм иштинде да, эжик-алында да чер пош қалбады. Иисус эмде сӧс айтты.3 Олоқ темде анаара тӧрт кижи пир кижини эңнеп ақкелтирлер. Ақкелген кижи, ағрып, қыйбран полбас полтыр.4 Қалық толдра, Иисусқа чағын ақкел полбассың. Анаң-аара лар, Иисус одурған черинең ӧре эм ӱстӱн ойуқтап, ойуқтаған тежикча қыйбран полбас кижини тӧжегинме пирге эм иштинге кире эндирдилер.5 Иисус, андығ Позыңа пӱткенин кӧриб-алып, эндирген қыйбран полбас кижиге айтты: «Қыйалларың таштал-парды, палам» – теди.6 Андоқ қанче-қанче қатчы-чозақчы кижи одурды. Иисустың по айтқан сӧсти уғыб-алып, санандылар:7 «Андығ сӧс кижи айтчаң ма, эзе?! Қудай айтчаң сӧзин айдып, по кижи Қудайды қаралап айтча-но! Қудайдаң пашқа кем қыйалды таштар полча, эзе?»8 Иисус, лардың ээде сананчығанын пилиб-алып, айтты: «Слер нӧӧре ээде сананчызар? – теди. –9 Мен по қыйбран полбас кижиге ноо да айтсам: „Қыйалларың таштал-парды“ теп, айтсам ма, эбезе: „Тур, тӧжегиң алып, пар“ теп, айтсам ма, – ноо да айдып эдерге Меең кӱжим чедер, – теди. –10 Кижиниң қыйалын таштарға по чарықта Кижи Оғлуның кӱжи пар полып чедерин мна кӧраар» – теди. Ээде айдып, ағрығ кижиге айтты:11 «Айтчам саға: тур, тӧжегиң алып, эмге пар» – теди.12 Айтқан сӧзи эрткенче, ол кижи позы азаққа турды. Тӧжегин алып, кижилер кӧзӱнче чӧрӱп, пара-берди. «Андығ небе по чашқа кӧрбедибис!» теп, кижилер, қайғалыжып, Қудайды алғап пақтадылар.

Иисус Левийды Позыңма пирге парарға қыырча

13 Анаң Иисус пазоқ талай қажынға парды. Анаара Ааң сооба кӧп қалық парып, чыылыштыр. Ол ларды ӱргет чӧрди.
14 Пир қада, албан тӧлепчең пир черин эртизип, Иисус Алфейдиң оғлун Левийды кӧриб-алтыр. Кӧриб-алып, аға айтты: «Мееңме пирге пар» теп. Левий, олоқ турып, ижин таштап, Иисуспа пирге пара-берди.15 Анаң пир қада Иисус Левийдиң эминде полды. Анда одурып, табақ чиип одурды. Андоқ Ааңма қожа Ааң ӱргенчиктери, кӧп албанчы-кижи, кӧп қыйаллығ да кижи полып, чиип одурдылар. Андығ қалық, эзе, Ааңма қожа кӧп чӧртир.16 Иисустың албанчы, қыйаллығ кижилербе қожа чиип одурғанын кӧриб-алып, қатчы-чозақчылар фарисейлербе, Ааң ӱргенчиктеринге келип, айттырлар: «Нӧӧре Ол, эзе, албанчыларба, қыйаллығ кижилербе пирге чиип одурча?» – тедилер.17 Поны уғыб-алып, Иисус ларға айтты: «Қазық кижиге эбес, ағрығ кижиге эмчи керек-но. Ақ-сағыштығ кижини эбес, қыйаллығ кижини Қудайға қыырарға Мен келдим-но» – теди.

Ураза керегинең ӱчӱн чооқ

18 Пир темде Крестеечи Ыйбанның ӱргенчиктеринме фарисейлер ураза туттылар. Ол темде пир кижилер, Иисусқа келип, сурадылар: «Ыйбаның ӱргенчиктеринме фарисейлердиң ӱргенчиктери ураза тутчаң темде Сеең ӱргенчиктери тезе нӧӧре ураза тутпан чӧрчалар?» – тедилер.
19 Иисус ларға айтты: «Аймақчылар, тойға келип, кижи алған оол ларба пирге полғанче, ураза тутчаң-педи? Кижи алған оол ларба пирге полғанче, ларға ураза тударға керек чоқ-но, – теди. –20 Кижи алған оолды аймақчылар аразынаң алыбызар тем келероқ. Ана анда ла аймақчылар ураза тударлар, – теди. –21 Ӱреп-парған кепке наа набачы тигерге чарабас. Ээде этсең, наа тавар эски таварды чара талап, полған тежиктең улуғаарақ тежик полыбызар-но, – теди. –22 Наа сыра пожап-парған тере шапчаққа урып турғузарға чарабас. Ээде этсең, сыра, ачып-турып, эски тере шапчақты талабызар. Наа сыра наа шапчаққа ла урып турғузарға керек-но» – теди.

Суббот кӱн кижиге пӱдӱрген-но

23 Иисус пир суббот кӱнде ӧскен қыра аразынча парды. Ааң ӱргенчиктери, аштап-парып, аш паштақтарын ӱзӱп, чиидилер.
24 Фарисейлер, поны кӧриб-алып, Аға айттылар: «Ноо штепчалар, кӧр! Суббот кӱнде андығ небе штерге чарар-педи?!» – тедилер.25 Иисус ларға айтты: «Давид-қаан, позының кижилеринме қожа пир қада аштап чӧрӱп, ноо небе штегенин слер ноо, қыырбадаар ба? – теди. –26 Ол керек улуғ абыс Авиафар теминде полған, са? Давид, Қудай Ӧргезинге кирип, андағы ызық қалажын алып чииген-но, кижилеринге да перген. Ол ызық қалажын тезе абыстардаң пашқа кемге да чиирге чарабас полған, са?» – теди. –27 Анаң ларға айтты: «Эткенде, кижи субботқа пӱдӱрбеен, суббот кӱн кижиге пӱдӱрген-но, – теди. –28 Анаң аара Кижи Оғлу субботтың да Қааны полча-но» – теди.