Щынӏар – джаущтэу еджэщтыгъэх Бабилэн хэгъэгум.
 Бабилэн – ижъырэ джуртыбзэкӏэ къикӏырэр: зэхэгъэкӏухьан.
 Къасдый хэгъэгу – Бабилэн къалэр зэрытыгъэр ары
Gen.10.10; Dan.3.1
Deut.32.8

Ублапӏэ

Мосэ иапэрэ тхылъ

Библием изэдзэкӏынкӏэ Институтыр Москва 2005

Ублапӏэ

Мосэ иапэрэ тхылъ

Книга Бытия на адыгейском языке

Институт перевода Библии Лицензия № 01271 от 22.03.2000 101000 Россия, Москва, Главпочтамт, а/я 360
Подписано в печать 25.04.2005 Формат 84(108 1/32. Печать офсетная. Усл. печ. л. 7,56. Тираж 1000 экз. Заказ №
Лъытэныгъэ зыфэтшӏырэ тхылъеджэр!
Библием щыщ апэрэ тхылъэу «Ублапӏэ» зыфиӏорэр уапашъхьэ илъ. Библиер ӏахьыгъо инитӏоу гощыгъэ: Ижъырэ Зэзэгъыныгъэр, Къэбарышӏур (Инджыл); тхылъ 60-м къехъоу зэхэт, лӏэшӏэгъубэмэ къакӏоцӏ ахэр цӏыф зэфэшъхьафмэ атхыгъэх. Дунаир къэгъэшӏыгъэу зыхъугъэм къыщегъэжьагъэу зэманыкӏэм иапэрэ лӏэшӏэгъухэм къанэсыжьэу къызэлъаубытрэ хъугъэ-шӏагъэмэ ахэр къатегущыӏэх.
Ижъырэ Зэзэгъыныгъэм къыхиубытэхэрэр: Тауратыр, ащ Мосэ итхылъитфыкӏэ мымакӏэу еджэх, тхьэлӏыкӏомэ ятхылъхэр, гъэсэпэ-тхыдэхэр, тарихъхэр, усэхэр зыдэт тхылъхэр.
«Ублапӏэр» Тауратым иапэрэ ӏахьыгъу. Ар зытхыгъэм ыцӏэ къыриӏорэп, ау адрэ тхылъитфымэ афэдэу, ар Мосэ ытхыгъэу алъытэ. Адыгабзэкӏэ апэрэ тхылъым ыцӏэр «Ублапӏэ», имэхьанэкӏэ «Генезис» (къэхъукӏэр) зыфиӏорэм пэблагъ, ижъырэ урымыбзэкӏэ зэрадзэкӏы зыхъукӏэ, ар агъэфедэщтыгъэ, тхылъым къыӏуатэрэр тефэ хьазырэу ащ къетыжьы.
«Ублапӏэр» шъхьэ 50-у зэхэт, къызтегущыӏэхэрэм ялъытыгъэу ахэр ӏахьыгъо шъхьаӏитӏоу бгощынхэ плъэкӏыщт. Апэрэ шъхьэ 11-мэ Тхьэм мэфихым къыкӏоцӏ Ежь Игущыӏэкӏэ дунаир къызэригъэшӏыгъэр къаӏуатэ: уашъор, чӏыгур, къэкӏыхэрэр, псэушъхьэхэр, чӏыгум иапэрэ цӏыфхэу Адамрэ Хьаомрэ. Дунаим тет цӏыф лъэпкъ пстэури къызтекӏыгъэхэм, Тхьэм иунашъо амыгъэцакӏэу, ӏэдэм чъыгхатэу ежьхэр зыщыпсэущтыгъэхэм дэт чъыгэу шӏумрэ емрэ зэхэозгъэшӏыкӏырэм къыпыкӏагъэр ашхыгъ, ащ къыхэкӏэуи дунаир гунахьшӏэным хащагъ. Ащ къыкӏэлъэкӏох Къаин, Хэбэл, Нухьэ яхьылӏэгъэ къэбархэр, псэкӏодшӏэным зэлъикӏугъэ дунаир ыгъэпщынэнэу Тхьэм псыкъиушхор ащ къызэрэтырищагъэр. Ащ къыхэкӏэу псэ зыпыт пстэури, Тхьэм Иунашъокӏэ Нухьэ псыпхъонтэрым рищагъэхэм анэмыкӏхэр, кӏодыгъэ. Бабилэн плъэпӏэ лъагэм икъэбар къызтегущыӏэрэр цӏыфыр ышъо зэрикӏыгъэм пае Тхьэм ар зэригъэпщынагъэр ары.
«Ублапӏэм» иятӏонэрэ ӏахьэ, я 12-50-рэ шъхьэхэр, Ибрахьимэ пэублэ зыфэхъугъэ джурт лъэпкъыр къызтекӏыгъэхэр ары къызтегущыӏэрэр. Ихьадэгъу егъотыфэ ар Тхьэм фэшъыпкъагъ. Ащ зэрэфэӏорышӏэрэм ишыхьатэу шӏу ылъэгъурэ ыкъо закъоу Исхьакъ Тхьэм къурмэн фишӏыным фэхьазырыгъ. Ащ пае Тхьэм гущыӏэ пытэ ышӏыгъагъ: «Сэ шъыпкъэ дэдэмкӏэ Сынэшӏу къыпщысфэщт. Сэ о птекӏыщт цӏыфхэр згъэбэгъощтых, япчъагъэкӏэ ошъогу жъуагъомэ афэдизэу, хыӏушъо пшахъомэ афэдизэу; о птекӏыщтхэм апашъхьэ пыймэ якъэлапчъэхэр щебэджыщтых. Чӏыгум тет цӏыф пстэуми о уибынхэм яхьатыркӏэ Сынэшӏу ащысфэщт о укъызэрэсэдэӏугъэм пае» (Ублапӏэ 22:17-18).
Ибрахьимэ ехьылӏэгъэ къэбарым ащ ыкъоу арабхэр къызтекӏыгъэ Исмахьилэ къырыкӏуагъэр къегъэлъагъо. Ащ къыкӏэлъыкӏоу «Ублапӏэм» Исхьакъ, ащ ишъузэу Рыбкъэ, икӏалэу Якъубэ ятарихъ къеӏуатэ. Исхьакъ джурт лъэпкъым илӏэуж пшӏыкӏутӏумэ ыкъохэмкӏэ пэублэ афишӏыгъ. Ахэмэ псэупӏэ афэхъугъэр къэнаӏан чӏыгур ары. Ащ щыщыгъэх джырэ Палестинэмрэ Израильрэ.
«Ублапӏэм» иаужырэ шъхьэхэр Якъубэ ыкъо анахьыкӏу Юсыф фэгъэхьыгъэх. Юсыф кӏэлэ ӏэтахъоу ышхэм ар Мысырым гъэрэу исынэу аращэ. Ау ищыӏэныгъэкӏэ зэрихьылӏэгъэ къиныгъо пстэуми апэшӏуекӏозэ, ар лъэгэпӏэ инмэ анэсы, Мысырым игъэӏорышӏакӏо мэхъу.

Дэтхэр

Апэу къэгъэшӏыгъэ дунаимрэ цӏыфымрэ ятарихъ     (я 1-11-рэ шъхьэхэр).
Дунаир къэгъэшӏыгъэ зэрэхъугъэр     (я 1-2-рэ шъхьэхэр).
ӏэдэм чъыгхатэмрэ ӏэдэм чъыгхатэм къызэрэдафыгъэхэмрэ     (я 3-4-рэ шъхьэхэр).
Адам къыщегъэжьагъэу Нухьэ нэс     (я 4-5-рэ шъхьэхэр).
Цӏыфхэр япсэупӏэкӏэ чӏыгум щыгощыгъэ зэрэхъугъэхэр     (я 6-10-рэ шъхьэр).
Бабилэн плъэпӏэ лъагэр. Щэм къыщегъэжьагъэу Ибрам нэс     (я 11-рэ шъхьэр).
Исраил илӏэужхэр     (я 12-36-рэ шъхьэхэр).
Ибрам къеджэхи, нэшӏу зэрэщафагъэр     (я 12-18-рэ шъхьэхэр).
Сэдомрэ ӏаморэрэ якӏодыкӏ     (я 19-рэ шъхьэр).
Ибрахьимэрэ Абимэлэхрэ     (я 20-рэ шъхьэр).
Исхьакъ икъэхъукӏэрэ Ибрахьимэ зэраушэтыгъэмрэ     (я 21-22-рэ шъхьэхэр).
Сарэ зэрэлӏагъэр     (я 23-рэ шъхьэр).
Исхьакъырэ Рыбкъэрэ     (я 24-26-рэ шъхьэхэр).
Якъубэ нэшӏущыфэныгъэмкӏэ щыпэлъфыныгъэр зэрэзэригъэгъотыгъэр     (я 27-рэ шъхьэр).
Якъубэ Лабан дэжь щыӏ; Якъубэ ишъузхэмрэ ыкъохэмрэ     (я 28-31-рэ шъхьэхэр).
Якъубэ къызэригъэзэжьыгъэр     (я 32-35-рэ шъхьэхэр).
ӏэсау къытекӏыгъэхэр     (я 36-рэ шъхьэр).
Юсыфрэ ащ ышхэмрэ     (я 37-50-рэ шъхьэхэр).
Юсыф шӏэгъо дэдэу зызэриӏэтыгъэр     (я 37-41-рэ шъхьэхэр).
Юсыф ышхэр зэраушэтыгъэхэр     (я 42-45-рэ шъхьэхэр).
Мысыр хэгъэгум Якъубэ къыщытекӏыгъэхэр     (я 46-50-рэ шъхьэхэр).
Ижъырэ джутыбзэмкӏэ атхыгъэ ӏэпэрытхым (масорет ӏэпэрытхым) техыгъэу тхылъыр адыгабзэкӏэ зэдзэкӏыгъэ. Тэ зэтыдзэкӏыгъэр чӏыпӏэ зырызхэмкӏэ Урыс синодым зэраригъэдзэкӏыгъэ Библием текӏы.
Библием хэт термин зырызхэу адыгабзэкӏэ къэпӏон умылъэкӏыщтхэр къэозгъэшӏэрэ тамыгъэхэмкӏэ хэгъэунэфыкӏыгъэхэу къарыкӏырэр къэӏотэжьыгъ.
Ижъырэ джуртыцӏэхэр адыгабзэм имэкъэ къэӏокӏэ шапхъэмэ атетэу тхыгъэх.
Библием изэдзэкӏынкӏэ Институтыр «Ублапӏэр» тхылъеджэмэ агу рихьынэу мэгугъэ, анахьэу ар зыфэгъэхьыгъэу къатӏорэр Тхылъ Лъапӏэмрэ Тхьэм иӏэмыркӏэ къэгъэшӏыгъэ дунаим итарихърэ ашӏогъэшӏэгъонэу зэзгъашӏэхэрэр ары.
Библием изэдзэкӏынкӏэ Институтым зэдзэкӏакӏохэм, редакторхэм, апэрэ мафэхэм къащегъэжьагъэу зэкӏэ тхылъым ӏоф дэзышӏагъэхэм, ащ икъыдэгъэкӏын хэлэжьагъэхэм зэрафэразэр ареӏо. Адыгэ тхылъеджэм ащ нэӏуасэ фэхъунэу амал иӏэ зэрэхъугъэр лъэшэу тигуапэ.
Библием изэдзэкӏынкӏэ Институтыр

Ублапӏэ

Мосэ иапэрэ тхылъ

ISBN 5-93943-077-5
© Библием изэдзэкӏынкӏэ Институтыр, Москва, 2005


Ижъырэ Зэзэгъыныгъэр
http://ibt.org.ru/bible
Ублапӏэ, Мысырикӏыжь, Рут, Апэрэ Самуел, Ятӏонэрэ Самуел, Апэрэ тхылъыр, Ятӏонэрэ тхылъыр, Эстэр, Ушъый гъэсэпэтхыдэхэр, Тхьэлӏыкӏоу Юныс, Пегъымбарэу Даниел


Creative Commons: by-nd: © Institute for Bible Translation; This work is licensed under the Creative Commons Attribution-NoDerivatives 4.0 International License. To view a copy of this license, visit http://creativecommons.org/licenses/by-nd/4.0/.

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
назад
закрыть

Бабилэн плъэпӏэ лъагэр

1 А лъэхъаным чӏыгум изэфэдэкӏэ зы бзэрэ зы гущыӏакӏэрэ тетыгъэр.
2 Къокӏыпӏэмкӏэ къыщежьэхи, цӏыфхэм Щынӏар хэгъэгум чӏы зэшъхьэзашъо къыщагъоти, ащ тетӏысхьагъэх.
3 Ахэмэ зэраӏожьыгъэ: «Чырбыщхэр ятӏэм хэтэжъугъэшӏыкӏи, машӏокӏэ тэжъугъэгъэжъэжь». Мыжъомэ ачӏыпӏэкӏэ ахэмэ чырбыщхэр яӏэ хъугъэ, етӏэфым ычӏыпӏэкӏэ – чӏыгум къыхэкӏырэ мыстхъур.
4 Етӏанэ ахэмэ аӏуагъ: «Къалэ зыфэтэжъугъэуцужьи, плъэпӏэ лъагэ тетэу ошъогум нэсэу; лъэужынчъэу чӏыгум итэкъухьагъэ тыщымыхъузэ, тищытхъу ядгъэӏон».
5 Етӏанэ цӏыфхэм ашӏырэ къалэмрэ плъэпӏэ лъагэмрэ яплъынэу Зиусхьаныр къехыгъ.
6 Зиусхьаным къыӏуагъ: «Мары мыр зы цӏыф лъэпкъ, зэкӏэми зы бзэ яӏэри. Мыр етӏани яӏофмэ япэубл ныӏэп! Сыд ӏоф фежьэхэми, афэукӏочӏыщт!7 Адэжь техынышъ, ахэмэ абзэ зэхэдгъэкӏухьан, зым къыӏорэр адрэм гурымыӏонэу».8 Арыти Зиусхьаным ахэр ащ къыщегъэжьагъэу чӏыгум зэфэдэкӏэ щыритэкъухьагъэх, ащ къыхэкӏэу ахэмэ къалэр аухыгъэп.9 Ащ къыхэкӏэу ащ Бабилэн цӏэу фашӏыгъ, сыда пӏомэ Зиусхьаным чӏыгум цӏыфмэ абзэхэу тетхэр зэкӏэ зэхигъэкӏухьэгъэх, ащ къыщиубли, чӏыгум изэфэдэкӏэ щыритэкъухьагъэх.

Щэм къытекӏыгъэхэр Ибрам нэс

10 Мары Щэмрэ ащ къытекӏыгъэхэмрэ якъэбар: Щэм илъэсишъэ ыныбжьэу, псыкъиушхом ыуж илъэситӏу тешӏагъэу, Арпахщад къыфэхъугъ.
11 Арпахщад къызэхъум ыуж, Щэм илъэс шъитф къыгъэшӏэжьыгъ, къохэри, пхъухэри къыфэхъугъэх.
12 Арпахщад илъэс щэкӏырэ тфырэ къыгъэшӏагъэу Шэлах къыфэхъугъ.
13 Шэлах къызэхъум ыуж, Арпахщад илъэс шъиплӏырэ щырэ къыгъэшӏэжьыгъ, джыри къохэри, пхъухэри къыфэхъугъэх.
14 Шэлах илъэс щэкӏ къыгъэшӏагъэу ӏэбэр къыфэхъугъ.
15 ӏэбэр къызэхъум ыуж, Шэлах илъэс шъиплӏырэ щырэ къыгъэшӏэжьыгъ, къохэри, пхъухэри джыри къыфэхъугъэх.
16 ӏэбэр илъэс щэкӏырэ плӏырэ къыгъэшӏагъэу Пэлэгъ къыфэхъугъ.
17 Пэлэгъ къызыхъугъэм ыуж, ӏэбэр илъэс шъиплӏырэ щэкӏырэ къыгъэшӏэжьыгъ, къохэри, пхъухэри джыри къыфэхъугъэх.
18 Пэлэгъ илъэс щэкӏ къыгъэшӏагъэу Рэӏу къыфэхъугъ.
19 Рэӏу къызыхъугъэм ыуж, Пэлэгъ илъэс шъитӏурэ бгъурэ къыгъэшӏэжьыгъ, къохэри, пхъухэри джыри къыфэхъугъэх.
20 Рэӏу илъэс щэкӏырэ тӏурэ къыгъэшӏагъэу Сэрыугъ къыфэхъугъ.
21 Сэрыугъ къызыхъугъэм ыуж, Рэӏу илъэс шъитӏурэ блырэ къыгъэшӏэжьыгъ, къохэри, пхъухэри джыри къыфэхъугъэх.22 Сэрыугъ илъэс щэкӏ къыгъэшӏагъэу Нахъор къыфэхъугъ.23 Нахъор къызыхъугъэм ыуж, Сэрыугъ илъэс шъитӏу къыгъэшӏэжьыгъ, къохэри, пхъухэри джыри къыфэхъугъэх.
24 Нахъор илъэс тӏокӏырэ бгъурэ къыгъэшӏагъэу Тэрахъ къыфэхъугъ.
25 Тэрахъ къызыхъугъэм ыуж, Нахъор илъэсишъэрэ пшӏыкӏубгъурэ къыгъэшӏэжьыгъ, къохэри, пхъухэри джыри къыфэхъугъэх.
26 Тэрахъ илъэс тӏокӏищырэ пшӏырэ къыгъэшӏагъэу Ибрами, Нахъори, Харани къыфэхъугъэх.
27 Мары Тэрахърэ ащ къытекӏыгъэхэмрэ якъэбар:
Тэрахъ Ибрам, Нахъор, Харан къыфэхъугъэх. Харан Лот къыфэхъугъ. Пшъашъэхэу Мылкъэрэ Искъэрэ къыфэхъугъэх.
28 Харан, ятэу Тэрахъ псаоу щыӏэу, къызщыхъугъэ чӏыгоу Урэ, Къасдый хэгъэгум щыӏэм щылӏагъ.29 Ибрамрэ Нахъоррэ шъузхэр къащагъэх: Ибрам ишъуз ыцӏагъэр Сарай, Нахъор ишъуз ыцӏагъэр Мылкъэ; ащи, ащ ыпхъоу Искъи ятагъэр Харан.30 Сарай сабый хэкӏынэу щытыгъэпти, сабыинчъагъ.
31 Тэрахъ ежь ыкъоу Ибрам, Харан ыкъо Лотэу ежь ипхъорэлъфыр, инысэ Сараеу ежь ыкъо Ибрам ишъузыр зыдырищажьэхи, ахэр игъусэхэу Къэнаӏан хэгъэгум кӏонхэу, Къасдый хэгъэгум ит Ур къалэм дэкӏыгъэх. Хъаран хэгъэгум нэсхи, ащ къыщыуцугъэх;
32 Тэрахъ къыгъэшӏагъэр илъэс шъитӏурэ тфырэ хъугъэу, Хъаран хэгъэгум щылӏагъ.